Knud Rasmussenip Højskolia
Højskoli Sisimiuniippoq suliffeqarfittullu imminut pigisutut ingerlanneqarluni. Ukiumut atuartut 40-it højskolertinneqartarput, taakku saniatigut maanna innarluutillit/innorluutillit arfineq pingasut ukiumut højskolertittalernikuupput, atuartut januaarimiit maajimut kiisalu augustimiit decemberimut atuartinneqartarput.
Højskoli pillugu paasissutissat erseqqinnerusut uani takukkit: www.krh.gl
Sulisartut Højskoliat
Sulisartut Højskoliat Qaqortummiittoq 51-inik ineeraqarpoq 84-inik siniffissaqarluni.
Højskoli sulisut sinnisaannik SIK-imeersunik pikkorissartitsisarpoq, tamatumalu saniatigut nalinginnaasumik innuttaasunut højskoliulluni ilaatigut nuna tamakkerlugu ukiumi ilinniartunut aammalu ataatsimeersuartitsinernut nunani avannarlerneersunut atorneqartarluni. Taakku saniatigut højskoli takornarissanut sammisassaqartitsinissamik neqerooruteqartarpoq. Sulisartut Højskoliat pikkorissarnermut ilinniartitsinermullu nutaanik IT-inik atortorissaaruteqarpoq.
Folkehøjskolit pillugit Inatsisartut inatsisaat nr. 24, 18. november 2010-meersoq malillugu højskolit ilinniakkamik piginnaanngortitsisumik ilinniartitsisinnaalerput.
Suliartut højskoliat pillugu paasissutissat erseqqinnerusut uani takukkit: www.sulisartut.gl